"Наполи" дарвозабони Алекс Мерет билан янги шартнома борасида музокара олиб бормоқда, дея хабар беради журналист Николо Скира.
Неаполликлар 25 ёшли италияликнинг маошини сезиларли даражада оширишга тайёр. Янги келишувга кўра, футболчи қўшимча бонусларни ҳисобга олмаганда йилига 1,5 миллион евро олиши мумкин бўлади.
Мерет "Наполи"га 2018 йилнинг июль ойида келиб қўшилган эди. Жорий мавсумда у жамоа сафида 9та ўйинда 6та гол ўтказиб юборди ва 4та ўйинда дарвозаси дахлсизлигини сақлаб қолди.
Меретнинг амалдаги шартномаси 2023 йилнинг июнь ойи охиригача амал қилади.
