Лондоннинг “Арсенал” клуби ва Германиянинг Adidas кийим-кечак бренди ҳамкорликни 2030 йилгача узайтирди, дея хабар беради клуб расмий сайти.
Маълум қилинишича, “канонирлар” аёллар жамоасининг машҳурлигини оширишга, шунингдек, 2024 йилгача биринчи навли полиэстерни қайта ишланган полиэстерга алмаштириш мақсадига эришишга кўпроқ эътибор қаратилади.
Эслатиб ўтамиз, "Арсенал" ва Adidas ўтган мавсумда ёшлар ўртасидаги зўравонлик сабабларига қарши курашишга қаратилган “No More Red” хайрия кампаниясини бошлаган эди. 2022/23 йилги мавсумдаги уй либосининг ҳар бир сотувидан Премьер-лига бошлангунга қадар 5 фунт стерлинг маҳаллий ҳамжамият лойиҳаларини қўллаб-қувватлаш учун “канонирлар” жамғармасига ўтказилди.
Эслатиб ўтамиз, томонлар 2019 йилдан бери ҳамкорлик қилиб келади. Аввалроқ, немис концерни 1986 йилдан 1994 йилгача Лондон клубининг техник ҳамкори бўлган.
