"Барселона" бош мураббийи Хави Испания чемпионатида меҳмонда мағлубиятсиз ўтказган кетма-кет ўйинлар сони бўйича "Реал"нинг собиқ бош мураббийи Зинедин Зиданнинг рекордини янгилагани ҳақида фикр билдирди.

1 октябрь, шанба куни Хави бошчилигидаги “Барселона” сафарда “Мальорка”ни мағлуб этди (1:0). Каталонияликлар мағлубиятсиз сафар ўйинларини 18 тага етказишди. Зиданнинг аввалги рекорди 17 учрашув эди.

"Мен бахтлиман! Биз ажойиб ишлаяпмиз. Умид қиламанки, бу рекорд кейинчалик унвонга айланади. Жамоа яхши ўйин кўрсатаётганидан ва қийин учрашувларда характер кўрсатаётганидан хурсандман. Бу биз тўғри йўлда эканлигимизни англатади. Агар рекордлар совринларга айланса, бунинг таъми янада яхши бўлади", - деди Хави.

"Барселона" Испания чемпионатидаги навбатдаги ўйинини 16 октябрь куни "Реал Мадрид"га қарши ўтказади.