Англия Премьер-лигасининг 9-туридан ўрин олган учрашувда “Манчестер Сити” ва “Манчестер Юнайтед” жамоалари ўзаро тўқнаш келишди ва учрашув хоккей ҳисоби билан якунланди – "шаҳарликлар" 6:3 ҳисобида ғалаба қозонишди.
"Шаҳарликлар"нинг норвегиялик ҳужумчи Эрлинг Холанд учта гол киритди. Шу тариқа, Холанд 1970 йилдан бери "Манчестер Юнайтед"га қарши ўйинда "Манчестер Сити" футболчиси учун биринчи хет-трик қайд этган футболчига айланди. Ўшанда Фрэнсис Ли бу ишни амалга оширганди ва "Манчестер Сити" ўша йили чемпионликни қўлга киритди.
Шунингдек, 1921 йили Хорас Барнс ҳам "Манчестер Юнайтед"га қарши ўйинда хет-трик қайд этган.
