Англия Премьер-лигаси 9-турининг сўнгги ўйинида "Лестер" ва "Ноттингем Форест" тўқнаш келди ва "тулкилар" биринчи бўлимдаёқ учта гол уриб, "ўрмончилар"ни деяерли таслим қилишди. Натижада “Лестер” мавсумдаги илк ғалабасини қўлга киритган бўлса, “Ноттингем Форест” қаторасига олтинчи мағлубиятини қабул қилиб олди.
"Ноттингем Форест" устози Стив Купер ўз жамоасининг муваффақиятсизлиги ҳақида шундай деди:
"Биз қийин даврни бошдан кечирмоқдамиз. Биз ўрганиш жараёнидамиз ва дунёдаги энг қийин лигада ўйнаяпмиз. Яширмайман, бизга қийин бўляпти. Йигитларнинг баъзилари бир-бирлари билан энди танишиб қолишди. Бу биз ҳал қилишимиз керак бўлган ҳақиқат, жамоа ҳар доим ҳам жамоага ўхшамайди", - дея Купернинг сўзларини келтирган BBC Sport.
