Angliya Premyer-ligasi 9-turining so‘nggi o‘yinida "Lester" va "Nottingem Forest" to‘qnash keldi va "tulkilar" birinchi bo‘limdayoq uchta gol urib, "o‘rmonchilar"ni deyayerli taslim qilishdi. Natijada “Lester” mavsumdagi ilk g‘alabasini qo‘lga kiritgan bo‘lsa, “Nottingem Forest” qatorasiga oltinchi mag‘lubiyatini qabul qilib oldi.
"Nottingem Forest" ustozi Stiv Kuper o‘z jamoasining muvaffaqiyatsizligi haqida shunday dedi:
"Biz qiyin davrni boshdan kechirmoqdamiz. Biz o‘rganish jarayonidamiz va dunyodagi eng qiyin ligada o‘ynayapmiz. Yashirmayman, bizga qiyin bo‘lyapti. Yigitlarning ba’zilari bir-birlari bilan endi tanishib qolishdi. Bu biz hal qilishimiz kerak bo‘lgan haqiqat, jamoa har doim ham jamoaga o‘xshamaydi", - deya Kuperning so‘zlarini keltirgan BBC Sport.
