Ўзбекистон миллий терма жамоаси 7 сентябр куни Тошкентда Кувайт терма жамоаси билан халкаро ўртоқлик учрашувини ўтказадиган бўлди. Бу ҳақда ЎФФ матбуот хизмати твиттери хабар тарқатмоқда.
Манбада кўрсатилишича, шунингдек, Иордания билан сафардаги учрашувлар варианти ҳам тасдиғини топган. Унга кўра, Иордания пойтахти Амманда 2 та уйин ўтказилиши режалаштирилмоқда.
Бу вазиятга изоҳ берар экан терма жамоа бош мураббийи Миржалол Қосимов қуйидагиларни гапириб ўтди: "Биз Тошкентга бирорта терма жамоа олиб келишни истагандик. Лекин, музокаралар омадсиз бўлди. Менга қолса, Тошкентда футболчиларни текшириш бирламчи саналади", дея Қосимовнинг сўзларидан иқтибос келтирмоқда юқорида номи келтирилган манбада.
