Кипрнинг "Омония" клуби дарвозабони Фрэнсис Узохо орзуси рўёбга чиққани ҳақида гапирди.
23 ёшли дарвозабон "қизил иблислар"нинг 11 та зарбасини қайтарган ҳолда "Манчестер Юнайтед"ни ғалабадан деярли маҳрум қилди, бироқ 93-дақиқада Скотт Мактоминейнинг зарбасидан сўнг тўп барибир дарвозадан жой олди. Учрашув натижаси 1:0.
«Ҳа, мен «Манчестер Юнайтед» мухлисиман, «Олд Траффорд»да ўйнашни анчадан бери орзу қилардим.
Қуръа натижаларини кўриб, ниҳоят орзуимни амалга оширишим мумкинлигини дарҳол англадим ва муваффақиятга эришганимдан жуда хурсандман.
Мен жамоадошларим билан фахрланаман - биз охиригача курашиб, ажойиб иш қилдик. Мен ўз фаолиятимдан мамнунман”, дейди 23 ёшли Узохо.
