ESPN хабарига кўра, "Манчестер Юнайтед" футболчини мавсум охирида клубда қолдириш учун Диогу Далот билан шартномани узайтириш бандини фаоллаштиришга қарор қилган.
Португалиялик ҳимоячининг шартномаси келаси йил ёзида тугайди, бироқ шартномада бир йилга узайтириш банди бор.
"Манчестер Юнайтед" ҳимоячининг шартномасини бир йилга узайтириш ҳисобига у билан янги узоқ муддатли шартнома тузмоқчи. Гап шундаки, “Барселона” португалияликни ўзига жалб қилишни режалаштирган, “Манчестер Юнайтед” эса хавфни сезиб, Далот билан муносабатларини мустаҳкамлашга ҳаракат қилган.
Далот ушбу мавсумда "Манчестер Юнайтед"да асосий таркиб футболчиси бўлиб келмоқда.
