“Атлетико” Испания чемпионатининг 9-тури доирасидаги ўйинда “Атлетик”ни сафарда мағлуб этди – 1:0.

Ягона голни 47-дақиқада Антуан Гризманн киритди.

Тўққиз турдан кейин “Атлетико” 19 очко билан Ла Лига турнир жадвалида 3-ўринда бормоқда. Бильбао клуби 4-поғонада (17 очко).

Кейинги турда Мадрид клуби 18 октябр куни “Райо Вальекано”га қарши баҳс олиб боради. Басклар шу куни “Хетафе” билан куч синашади.

Атлетик – Атлетико 0:1 (0:0, 0:1)

Гол: 0:1 – 47 Гризманн.

Атлетик – Унаи Симон, Де Маркос, Мартинес, Йерай Альварес (Вивиан, 86), Лекуэ, Весга (Дани Гарсия, 86), Сансет (Саррага, 80), Муниаин (Рауль Гарсия, 67), Уильямс, Беренгер, Уильямс (Вильялибре, 80).

Атлетико – Облак (Грбич, 69), Молина, Савич, Хименес, Рейнилду, де Пауль (Корреа, 69), Лемар (Жоау Феликс, 82), Коке (Витцель, 82), Кондогбиа, Гризманн, Мората (Сауль, 69).