«Реал» ҳужумчиси Карим Бензема Испания чемпионатининг 9-тури доирасида бўлиб ўтган «Барселона»га қарши ўйинда (2:0) ўз ҳисобига битта гол урди.

Франциялик футболчи учун мазкур гол Ла лигадаги 223-гол бўлди. Карим мазкур натижа орқали Испания чемпионати тўпурарлар рўйхатида Сесар Родригесдан ўтиб кетиб, 7-ўринга кўтарилиб олди. Бензема яна 5та голдан сўнг кучли бешликка киришга муваффақ бўлади.

Бу борада рекорд Лионель Мессига тегишли бўлиб, у Ла лигада жами 472 та гол урган.

Ла лига тарихидаги энг яхши тўпурарлар:

1. Лионель Месси – 472 гол;
2. Криштиану Роналду – 311;
3. Тельмо Сарра – 251;
4. Уго Санчес – 234;
5. Рауль – 228;
6. Альфредо Ди Стефано – 227;
7. Карим Бензема – 223.