Италия чемпионати 10-туридан ўрин олган баҳсда “Милан” сафарда “Верона”ни мағлуб этди – 2:1.

9-дақиқада мезбонлар ярим ҳимоячиси Мигел Велозу автогол муаллифига айланди. 19-дақиқада “Верона” ҳимоячиси Корай Гюнтер ҳисобни тенглаштирган бўлса, 81-дақиқада “Милан” ярим ҳимоячиси Сандро Тонали гол уриб жамоасига ғалаба келтирди.

“Милан” 10 ўйиндан кейин 23 очко билан Италия чемпионати турнир жадвалида учинчи ўринга кўтарилиб олди. "Верона" 10 ўйинда 5 очко билан 18-ўринда бормоқда.

Верона – Милан 1:2 (1:1, 0:1)

Голлар: 0:1 – 9, автогол Велозу, 1:1 – 19 Гюнтер, 1:2 – 81 Тонали.

Верона – Монтипо, Фараони, Гюнтер, Маньяни (Кабаль, 70), Хин, Депаоли, Велозу, Тамез (Онгла, 65), Хрустич (Пикколи, 54), Верди (Каллон, 71), Анри (Джурич, 65).

Милан – Тэтэрушану, Калулу, Томори, Габбия, Эрнандес, Крунич (Побега, 61), Браим Диас (Ребич, 46), Адли (Беннасер, 60), Тонали, Жиру (Ориги, 46), Рафаэл Леау (Тиав, 83).