"Бавария" вингери Серж Гнабри жамоаси "Фрайбург" устидан қозонилган ғалабадан сўнг ўз фикрлари билан ўртоқлашди.

Бундеслиганинг ўнинчи туридан ўрин олган учрашув мюнхенликларнинг ғалабаси билан якунланди - 5:0.

“Жамоани шундай ажойиб формада кўриш зўр бўлди. Бу, айниқса, яқинда бошдан кечирган ёмон ҳафталардан кейин жуда муҳим. Биз ажойиб кураш олиб бордик ва ҳар бир таймда устунлик қилдик.

Ҳозирдан ЖЧ учун танаффусга қадар мақсадимиз ҳар бир учрашувда ғалаба қозониш. Кераксиз хатоликлар кетма-кетлигидан сўнг, бизга босим кучайди ва биз хатонинг нархи қанча эканини биламиз", - деди Гнабри.

"Бавария" Германия чемпионати турнир жадвалида "Юнион"дан 4 очко ортда қолиб, иккинчи ўринда бормоқда.