Англия Премьер-лигаси 2023 йилги ёзги мавсумолди турнирини Қўшма Штатларда ўтказмоқчи, деб ёзди The Athletic журналисти Девид Орнштейн.
Манбага кўра, турнирнинг якуний формати ҳали аниқланмаган, бироқ унда икки гуруҳга бўлинган олтита жамоа иштирок этиши режалаштирилган. Ўйинлар АҚШнинг шарқий ва ғарбий соҳилларидаги бир қанча шаҳарларда бўлиб ўтади.
Ушбу мавсумолди турнири Премьер-лиганинг Англиядан ташқарида ўйинларни ўтказиш йўлидаги биринчи ҳаракати бўлиши режалаштирилган.
Англия чемпионатининг жорий мавсумида Лондоннинг “Арсенал” жамоаси 27 очко билан пешқадамлик қилмоқда. Энг яқин таъқибчилар "Манчестер Сити" ва "Тоттенхэм" бўлиб, улар мос равишда иккинчи ва учинчи поғоналарни эгаллаб турибди.