Angliya Premyer-ligasi 2023 yilgi yozgi mavsumoldi turnirini Qo‘shma Shtatlarda o‘tkazmoqchi, deb yozdi The Athletic jurnalisti Devid Ornshteyn.
Manbaga ko‘ra, turnirning yakuniy formati hali aniqlanmagan, biroq unda ikki guruhga bo‘lingan oltita jamoa ishtirok etishi rejalashtirilgan. O‘yinlar AQSHning sharqiy va g‘arbiy sohillaridagi bir qancha shaharlarda bo‘lib o‘tadi.
Ushbu mavsumoldi turniri Premyer-liganing Angliyadan tashqarida o‘yinlarni o‘tkazish yo‘lidagi birinchi harakati bo‘lishi rejalashtirilgan.
Angliya chempionatining joriy mavsumida Londonning “Arsenal” jamoasi 27 ochko bilan peshqadamlik qilmoqda. Eng yaqin ta’qibchilar "Manchester Siti" va "Tottenxem" bo‘lib, ular mos ravishda ikkinchi va uchinchi pog‘onalarni egallab turibdi.
