"Манчестер Юнайтед" бош мураббийи Эрик тен Хаг "Ньюкасл"га қарши ўйинда нима учун Криштиану Роналдуни алмаштирганини тушунтирди.
"Ўн кун ичида бизда тўртта ўйин бор ва мен ҳужумчилар дам олишларини истайман, шунинг учун биз ўзгаришимиз керак. Бизда баъзи муаммолар бор. Антони Марьсяль ҳозирда таркибда эмас, шунинг учун бизда битта ўйинчи кам. Маркус Рэшфордда бутун ўйинга чиқиш имконияти йўқ, шунинг учун биз тўртта ўйинни ҳисобга олган ҳолда ўз режаларимизни тузишимиз керак", - деди тен Хаг AS билан суҳбатда.
Эслатиб ўтамиз, "Манчестер Юнайтед" "Ньюкасл" билан голсиз дуранг ўйнаганди. Роналду 72-дақиқада алмаштирилди, аввалроқ унинг голи офсайд туфайли ҳисобга олинмаганди.
