"Брайтон"нинг собиқ бош мураббийи, ҳозирда "Челси"ни бошқараётган Грэм Поттер жамоага ҳужумчи Леандро Троссардни жалб қилмоқчи.
27 ёшли Троссард 2019 йилнинг ёзида инглизлар сафига қўшилган эди. Жорий мавсумда у АПЛнинг 9 та ўйинида 5 та гол урди ва иккита голли узатмани амалга оширди. Леандро ва "Брайтон" ўртасидаги келишув жорий мавсум охирида якунига этади.
"Челси" АПЛнинг жорий мавсумида 9 ўйинда 19 очко тўплади ва турнир жадвалида тўртинчи ўринни эгаллаб турибди. "Брайтон" 14 очко билан 7-ўринда бормоқда.
Эслатиб ўтамиз, 47 ёшли Поттер 2022 йилнинг сентябрида "Челси" билан 5 йиллик шартнома имзолаган эди.
