"Brayton"ning sobiq bosh murabbiyi, hozirda "Chelsi"ni boshqarayotgan Grem Potter jamoaga hujumchi Leandro Trossardni jalb qilmoqchi.
27 yoshli Trossard 2019 yilning yozida inglizlar safiga qo‘shilgan edi. Joriy mavsumda u APLning 9 ta o‘yinida 5 ta gol urdi va ikkita golli uzatmani amalga oshirdi. Leandro va "Brayton" o‘rtasidagi kelishuv joriy mavsum oxirida yakuniga etadi.
"Chelsi" APLning joriy mavsumida 9 o‘yinda 19 ochko to‘pladi va turnir jadvalida to‘rtinchi o‘rinni egallab turibdi. "Brayton" 14 ochko bilan 7-o‘rinda bormoqda.
Eslatib o‘tamiz, 47 yoshli Potter 2022 yilning sentyabrida "Chelsi" bilan 5 yillik shartnoma imzolagan edi.
