Неймарнинг келажаги муҳокама мавзуси бўлиб қолмоқда.
EL Pais нашрининг хабарига кўра, "Челси" бразилиялик футболчи билан шартнома имзолаш ғоясидан воз кечгани йўқ. Лондонликлар келишувни 2023 йилнинг ёзида амалга оширишни режалаштирмоқда.
Ўтган ёзда "ПСЖ" Неймарни "Челси"га ижарага беришни таклиф қилган, аммо Лондон клуби футболчининг маошининг бир қисмини тўлашдан бош тортганди. Энди бу борада “кўклар”нинг позицияси ўзгарди. Лондонликлар Неймарнинг бутун маошини ўз зиммасига олишга тайёр. Футболчининг маоши йилига тахминан 40 миллион евро.
Неймар футбол тарихидаги энг қиммат футболчи бўлиб қолмоқда. Беш йилдан кўпроқ вақт олдин "ПСЖ" бразилиялик учун 222 миллион евро тўлаганди.
