"Бенфика" ярим ҳимоячиси Жоау Мариу Чемпионлар лигаси гуруҳ босқичи 5-тури доирасидаги "Ювентус" устидан қозонилган ғалаба (4:3) ҳақида фикр билдирди.

Эслатиб ўтамиз, ушбу учрашувдаги муваффақият Лиссабон жамоасига турнирнинг 1/8 финалига чиқиш имконини берди.

Португалиялик ярим ҳимоячининг фикрича, “Бенфика” йирикроқ ҳисобда ғалаба қозониши мумкин эди.

“70-дақиқагача биз мукаммал ўйин кўрсатдик. “Ювентус” иккинчи голни уришдан олдин ҳисобни 5:1га етказишимиз мумкин эди, аммо бу футбол. Биз ажойиб жамоа билан ўйнадик. Мен плей-оффга чиққанимиздан жуда мамнунман", - деди Мариу Eleven Sports билан суҳбатда.