"Реал" вингери Марко Асенсио клуб билан янги шартнома имзолаши мумкин, деб хабар беради Mundo Deportivo.

Клуб 26 ёшли испаниялик футболчи билан шартномани узайтириш масаласини кўриб чиқмоқда ва унга маошини оширган ҳолда уч мавсумлик шартнома таклиф қилишга тайёр.

Бироқ бундай шартлар футболчининг агенти Хорхе Мендешга тўғри келмайди, у мижози учун узоқроқ муддатга шартнома тузмоқчи.

Асенсио "Реал"да 2015 йилдан бери тўп суради. Унинг "қаймоқранглилар" билан шартномаси жорий мавсум охирида якунига етади.

Асенсио жорий мавсумда “Реал” сафида барча турнирлар доирасида 11 та ўйинда майдонга тушиб, 2 та гол урди ва 1 та голли узатмани амалга оширди.