“Манчестер Юнайтед”нинг франциялик ҳимоячиси Рафаэль Варан Қатардаги Жаҳон чемпионати олдидан “қизил иблислар”нинг қолган барча ўйинларини ўтказиб юборади.

BBC хабарига кўра, Варан олтита ўйинни, жумладан, Англия Премьер-лигасининг учта учрашувини, Европа лигасининг иккита учрашувини ва “Фулхэм”га қарши Лига кубоги ўйинини ўтказиб юборади.

Яқинда "Челси" билан бўлган учрашувда соннинг орқа қисмидаги мушакларнинг зўриқиши туфайли Варан 20 ноябрь куни Қатарда бўлиб ўтадиган Жаҳон чемпионатини ўтказиб юбориши мумкин.

Жорий мавсумда Рафаэль барча мусобақаларда "Манчестер Юнайтед" либосида 11та ўйин ўтказди.