"Ливерпуль" клуби дарвозабони Алиссон Беккер бугун "қизиллар" таркибидаги 200-ўйинини ўтказади.
Бразилиялик дарвозабон Чемпионлар лигаси гуруҳ босқичи 5-туридан ўрин олган "Аякс"га қарши бўлиб ўтадиган ўйиннинг асосий таркибидан жой олди.
The Athletic нашри хабарига кўра, Алиссон "Ливерпуль" таркибида 199 учрашувнинг 89 тасида ўз дарвозаси даҳлсизлигини сақлаб қолган.
30 ёшли дарвозабон 2018 йилнинг ёзида Италиянинг “Рома”сидан 62,5 миллион евро эвазига ўтганди. Жорий мавсумда бразилиялик посбон Юрген Клопп жамоаси сафида барча мусобақаларда 15 учрашувда 19 та гол ўтказиб юборди.
