Исландия пойтахти Рекявик шаҳрида умумий мукофот жамғармаси 400 000 долларни ташкил этувчи «Fischer Random World Chempionship-2022» турнирининг гуруҳ босқичи якунига етди.
Ҳамюртимиз Нодирбек Абдусатторов кеча 5 ва 6-тур доирасида россиялик Ян Непомняшчий ва АҚШлик Со Уэслига қарши дона сурди. Ватандошимиз рус шахматчисини ҳар иккала партияда мағлуб этди. Уэслга қарши ўйинларда эса Нодирбек бир дуранг ва бир мағлубият қайд этди. Шу тариқа, Абдуссаторов "А" гуруҳида 12 имкониятдан 10 очко жамғариб, гуруҳ ғолибига айланди.
«B» гуруҳини норвегиялик Магнус Карлсен 8,0 очко билан 1-ўринда, Ҳикару Накамура 7,5 очко билан 2-ўринда якунлади. Умимий ҳисобда ҳам энг юқори натижа кўрсатган Абдусатторовни ФИДE мутахассислари эътироф этишди.
Ярим финал баҳслари 29-октябрь, шанба куни Тошкент вақти билан 20:00 да бошланади. Нодирбек «А» гуруҳи ғолиби сифатида «B» гуруҳининг 2-ўрин соҳиби Ҳикару Накамура билан, «B» гуруҳи ғолиби Магнус Карлсен эса «А» гуруҳини 2-ўринда якунлаган Ян Непомняший билан финал учун омадларини синаб кўришади.
