Европа лигаси гуруҳ босқичининг 5-турида Испаниянинг “Реал Сосьедад” клуби сафарда Кипрнинг "Омония" жамоаси дарвозасига жавобсиз иккита гол урди.
Бу "басклар"нинг жорий еврокубоклар мавсумидаги кетма-кет бешинчи ғалабаси бўлди ва бу клубнинг 21-асрдаги янги рекорди.
Сўнгги марта "Реал Сосьедад" 1998/1999 йилги мавсумда кетма-кет бешта ўйинда ғалаба қозонган. Ўшанда Европа Лигаси турнири УЕФА кубоги деб аталган.
"Реал Сосьедад" Европа Лигаси гуруҳ босқичининг сўнгги турида "Манчестер Юнайтед"га қарши майдонга тушади, бу ўйин 3 ноябрь куни бўлиб ўтади ва гуруҳда ким биринчи ўринни эгаллашини аниқлаб беради.