Мадриднинг “Реал” клуби ва Бразилия терма жамоаси ҳимоячиси Эдер Милитао Испания фуқаролигини олди. Бу ҳақда журналист Аранка Родригес ижтимоий тармоқлардаги саҳифасида маълум қилди.

Энди Милитао хорижлик футболчи ҳисобланмайди, бу эса Мадриднинг “Реал” клубига Ла Лига раҳбарияти томонидан белгиланган лимитни бузмаган ҳолда кўпроқ хорижлик футболчиларни жамоага таклиф қилиш имконини беради.

Эслатиб ўтамиз, аввалроқ "Реал"нинг яна икки бразилиялик футболчиси Родриго ва Винисиус Жуниор ҳам Испания фуқаролигини олган эди.

Айни дамда “қироллик клуби” Испания чемпионатида “Барселона”дан уч очко фарқи билан пешқадамлик қилмоқда.