"Ювентус" бош мураббийи Массимилиано Аллегри ярим ҳимоячи Поль Погба Италия клуби сафида кейинги учта ўйинда майдонга тушмаслигини маълум қилди. Франциялик футболчи Қатардаги жаҳон чемпионатигача майдонга қайтмайди.
2022 йилнинг ёзида 29 ёшли ярим ҳимоячи машғулотларда менискусдан жароҳат олганди. Шундан сўнг у "Ювентус" сафида расмий ўйинларда майдонга тушмади. Сентябрь ойида Погба муваффақиятли операция қилинди ва ҳозирда тузалиб кетмоқда.
Франциялик футболчи ёзда текинга “Манчестер Юнайтед”дан “Ювентус”га ўтган эди.
Қатарда бўлиб ўтадиган футбол бўйича 2022 йилги жаҳон чемпионати 18 ноябрда бошланади ва 20 декабрда якунланади.
