"Бавария" ҳужумчи Роберт Левандовскининг "Барселона"га ўтиши учун 5 миллион еврогача бонус олиши мумкин. Испания клуби 34 ёшли польшалик ҳужумчи барча мусобақаларда 25 дан ортиқ гол урган тўрт мавсумнинг ҳар бири учун 1,25 миллион евро тўлайди. Левандовски трансферининг умумий суммаси 50 миллион еврони ташкил қилиши мумкин, деб ёзади журналист Кристиан Фальк Twitter'да.
Роберт Левандовски 2022 йилнинг ёзидан буён “Барселона” сафида тўп суради. Жамоа таркибида жами 16 та ўйинда 17 та гол урди ва 4 та голли узатмани амалга оширди.
Томонлар ўртасидаги шартнома яна бир мавсумга узайтирилиши мумкин бўлган 2026 йилгача тузилган.
