Англия чемпионати доирасидаги “Лестер”га қарши ўйин арафасида “Манчестер Сити” бош мураббийи Хосеп Гвардиола ўз футболчиларининг жисмоний ҳолати ҳақида гапирди.
"Брайтон" билан учрашувдан кейин ўз футболчиларимни кўрдим, улар лимондай сиқилган эди. Телефонни олишга кучлари етмади. Тасаввур қилинг-а, улар қанчалик чарчаган, ҳатто интернетга ҳам кира олмаганлар", - дея испаниялик мураббийнинг сўзларидан иқтибос келтиради BBC Sport.
“Манчестер Сити” бугун, 29 октябрь куни сафарда “Лестер”га қарши баҳс олиб боради.
Ушбу ўйин олдидан “шаҳарликлар” турнир жадвалида иккинчи, “тулкилар” эса 17-ўринда бормоқда.
