"Аякс" ҳимоячиси Эдсон Альварес "Челси"га ўтиш борасидаги келишув муваффақиятсизлиги ҳақида гапирди.
Ёзги трансфер ойнасида Лондон клуби 25 ёшли футболчи учун 50 миллион евро таклиф қилгани хабар қилинганди.
“Мен бундан жуда хафаман. Лекин бир кун келиб катта клубга ўтишимга ишончим комил. Август ойи охирида “Челси” бошқа таклиф билан чиқишини кутмагандик. Бу қийин вазият эди. "Аякс" ҳеч нарса қила олмади", - дея Альвареснинг сўзларини келтиради журналист Фабрицио Романо.
Ҳимоячи жорий мавсумда Нидерландия клуби сафида 16 та ўйинда майдонга тушиб, 1 та гол урди ва 2 та голли узатмани амалга оширди.
