"ПСЖ"нинг Лионель Месси борасидаги режалари маълум бўлди.
Diario Sport хабарига кўра, Париж клуби 35 ёшли аргентиналик футболчи билан амалдаги шартномани бир йилга узайтириш вариантини фаоллаштирмасдан, икки йиллик янги шартнома имзоламоқчи.
"ПСЖ" Мессининг фаолиятидаги сўнгги клуб бўлишни хоҳлайди, чунки Лео - асосий имидж ва иқтисодий бойлик. Бу Мессининг имиджини клуб ранглари билан яқинроқ боғлашга ёрдам беради.
"ПСЖ"нинг мақсади жаҳон чемпионати бошлангунга қадар келишувга эришиш учун шартномани узайтириш бўйича музокараларни ҳозирдан бошлаш, Қатардаги турнирдан кейин эса шартнома имзолаш ва уни расмийлаштириш.
