"Арсенал" ярим ҳимоячиси Букайо Сака АПЛнинг 14-туридан ўрин олган учрашувда жароҳат олди.

Англиялик футболчи "Ноттингем Форест" билан ўйиннинг 5-дақиқасида (1:0, биринчи бўлим) голли узатмани амалга оширди. Кўп ўтмай у жароҳат сабаб ўйинни давом эттира олмади ва 27-дақиқада унинг ўрнини ярим ҳимоячи Рис Нелсон эгаллади.

Сака жорий мавсумда Премьер-лигада 11 та ўйинда майдонга тушиб, 4 та гол урди ва 5 та голга ассистентлик қилди. Сентябрь ойида у 2021/22 йилги мавсумда Англияда йилнинг энг яхши футболчиси деб топилди. У ЖЧ-2022 учун терма жамоа қайдномасига кириши кутилмоқда.