"Челси" жароҳат олган Рис Жеймснинг ўрнига янги футболчи харид қилмоқчи. "Вулверхэмптон" ҳимоячиси Нельсон Семеду бу ролга асосий даъвогар ҳисобланади. Бу ҳақда The Sun нашри хабар бермоқда.
28 ёшли Семеду 2020 йилнинг сентябрь ойидан буён инглизлар жамоасида ўйнаб келмоқда, у "Барселона"дан 32 миллион евро эвазига кўчиб ўтган. Жорий мавсумда португалиялик ҳимоячи барча мусобақаларда 12 ўйинда иккита голли узатмани амалга оширган.
Эслатиб ўтамиз, 22 ёшли Жеймснинг қайтиши декабрь ойининг ўрталарида кутилмоқда. У тиззасидан олган жароҳатидан фориғ бўлиб, Қатардаги жаҳон чемпионатини ўтказиб юборади.
"Челси" Англия Премьер-лигасида 12 турдан сўнг 21 очко жамғариб, турнир жадвалида олтинчи ўринда бормоқда. Кейинги турда Грэм Поттер жамоаси "Арсенал" билан ўйнайди.
