"Интер" бош мураббийи Симоне Индзаги УEФА Чемпионлар лигаси гуруҳ босқичи 6-турида "Бавария"га қарши баҳсдан (0:2) кейин жамоа ҳужумчиси Ромелу Лукакунинг жароҳати ҳақида гапирди.
“Ромелунинг жароҳатидан жуда хафаман. У жамоа учун муҳим футболчи. Лукаку қисқа вақт ичида қайтиб келганидан кейин буни аллақачон исботлади. Яна бир омадсизликка учрагани ачинарли. Биз унинг қайтишини кутамиз, чунки у ажойиб марказий ҳужумчи ва жамоанинг муҳим бўғинидир", - дея мураббийнинг сўзларидан иқтибос келтиради УEФА матбуот хизмати.
