Европанинг энг кучли бешта футбол лигасида ҳали бирорта ҳам мағлубият аламини тотиб кўрмаган битта клуб қолди. Бу Франциянинг "ПСЖ" жамоаси.
Аввалроқ “Наполи” мағлуб бўлмаганлар қаторида бўлган бўлса, УEФА Чемпионлар лигаси гуруҳ босқичи сўнгги ўйинида Лучано Спалетти шогирдлари “Ливерпул”дан 0:2 ҳисобида мағлуб бўлди.
"ПСЖ" жорий мавсумда 19 та ўйинда 15 та ғалаба ва 4 та дуранг қайд этган.
2 ноябрь, чоршанба куни Кристоф Галтье шогирдлари Чемпионлар лигаси гуруҳ босқичининг 6-тури доирасида сафарда Туриннинг “Ювентус” жамоаси билан учрашади.
