Мадриднинг "Атлетико" клуби мухлислари жамоанинг Чемпионлар лигасидаги ўйинидан жуда норози бўлишди. “Матрасчилар” ўз тарихида биринчи марта гуруҳда охирги ўринни эгаллади.
Куни кеча мадридликлар еврокубоклар гуруҳ босқичининг сўнгги тури доирасида "Порту"га қарши сафарда (1:2) ўйин ўтказди. Муваффақиятсизликдан кейин мухлислар кийиниш хонасига йўл олган футболчиларга мурожаат қилишди. Улар футболчиларга қараб: “Сизлар бу либосга лойиқ эмассизлар” - деб бақиришди.
Испания чемпионатида "Атлетико" турнир жадвалида учинчи ўринни эгаллаб турибди. Кейинги ўйинни Диего Симеоне жамоаси каталониялик "Эспаньол"га қарши ўтказади.
