"Кристал Пэлас" ҳужумчиси Уилфрид Заха келаси ёзда жамоани тарк этиши мумкин, деб хабар беради Daily Mail.
Манба берган хабарга кўра, клуб ва 29 ёшли ивуарлик футболчи ўртасида янги шартнома борасидаги музокаралар ҳозирча олдинга силжимаяпти.
Заханинг "бургутлар" билан шартномаси 2023 йилнинг июнь ойи охиригача амал қилади, у кейинги йил бошидан бошқа жамоалар билан музокара олиб бориши мумкин. Футболчининг хизматларига "Арсенал", "Челси" ва "Тоттенхэм" клублари қизиқиш билдирмоқда.
2022/23 йилги мавсумда Заха "Кристал Пэлас" таркибида 11 та ўйинда майдонга тушиб, 5 та гол урди ва 1 та голли узатмани амалга оширди. Transfermarkt.com портали ҳужумчининг нархини 38 миллион еврога баҳоламоқда.
