"Милан" бош мураббийи Стефано Пиоли "Реал" устози Карло Анчелотти ва "Манчестер Сити" бош мураббийи Хосеп Гвардиоланинг ишига юқори баҳо берди.
"Менимча, Анчелотти ва Гвардиола - дунёнинг энг яхши мураббийлари", - деди Пиоли Football Italia нашрига.
Мутахассис Анчелоттини шахсан танимаслигини тан олди, лекин бу одамда ажойиб футбол заковати борлигига ишончи комил. Анчелотти "Милан" тарихини яратди, дея қўшимча қилди Пиоли.
"Россонерлар" 12 турдан кейин 26 очко билан Италия чемпионати турнир жадвалида учинчи ўринда бормоқда. А Сериянинг бўлажак ўйинида "Милан" ўз майдонида "Специя" жамоасини қабул қилади, учрашув 6 ноябрь куни Тошкент вақти билан 00:45 да бўлиб ўтади.
