"Брайтон" "Росарио Сентраль"дан 17 ёшли ҳужумкор ярим ҳимоячи Факундо Буонаноттени сотиб олди. Бу ҳақда Аргентина клуби ўзининг расмий саҳифасида маълум қилди.
Трансфер суммаси тахминан 12 миллион еврони ташкил этди ва футболчининг келажакдаги қайта сотилишининг бир фоизи ҳам шартномага киритилган. Футболчи билан тузилган шартнома 2026 йилнинг ёзига қадар амал қилади, шартнома яна бир мавсумга узайтирилиши мумкин.
Англия Премьер-лигасининг 12 учрашувидан сўнг "Брайтон" 18 очко билан саккизинчи ўринда бормоқда.













