Жорий мавсумда “Наполи” сафида шов-шув кўтарган грузиялик ярим ҳимоячи Хвича Кварацхелияга трансфер бозорида талаб юқори, дея хабар беради инсайдер Николо Скира.
Манбанинг хабари кўра, 21 ёшли ярим ҳимоячига бешта топ-клуб қизиқиш билдирмоқда. Гап "Реал", "Манчестер Сити", "Челси", "Тоттенхэм" ва "Ливерпуль" клублари ҳақида кетмоқда. Ушбу клубларнинг скаутлари Италияда бўлиб, у ерда Хвичининг ўйинларини томоша қилишади.
Ўз навбатида "Наполи" ёзги трансфер ойнасида сотиб олган футболчисини сотмоқчи эмас. Кварацхелиянинг бозор қиймати 35 миллион еврога баҳоланмоқда.
