"Манчестер Юнайтед" португалиялик ҳужумчи Криштиану Роналду билан хайрлашса, унинг ўрнига бошқа футболчини олиб келишни ўйламоқда.
Sportbible нашри хабарига кўра, "манкунианликлар" эътиборига "Бавария" ҳужумчиси Эрик Чупо-Мотинг тушган.
"Қизил иблислар" камерунлик тўпурарни нишонга олишмоқда, аммо у билан немис клуби ҳам шартномани узайтиришни ўйламоқда. "Бавария" у билан ҳамкорликни узайтириш борасида музокаралар олиб боришни режалаштирмоқда.
2022/2023 йилги мавсумда африкалик ҳужумчи мюнхенликлар сафида 13 та ўйин ўтказиб, 8 та гол ва 3 та голли узатмани амалга оширди.
