«Арсенал» АПЛнинг янги чемпионига айланади! Нега дейсизми?

Ҳамманинг хабари бор, «Арсенал» бу мавсумда ўз тарихидаги энг яхши стартни намойиш этди. Статистикага қарасак, «тўпчилар» 2004 йилдан бери Англия чемпионлигини қўлга киритмаган. Шу сабабдан ҳам Габриэл Жезус, Букайо Сака ва Мартин Эдегор каби жамоа етакчилари Артета қўл-остида бор кучи билан ҳаракат қилмоқда. «Арсенал» ҳозирга қадар 12 та учрашувнинг 10 тасини ғалаба билан якунлаган. Қолган 2 тасида дуранг ва мағлубиятга учраган. Бу сафар супер компьютер ишга солинганида, у «Арсенал»ни АПЛ чемпиони бўлишини кўрсатди. Қуйида лондонликларнинг эҳтимолий чемпионлиги ва бунга етакловчи омиллар ҳақида сўз боради.

1992 йилдан бери «Арсенал» 12 турдан илк бор 31 очко йиғмоқда. «Манчестер Сити» чемпион бўлган йилларида ўзига хос статистикага эга бўлган. «Шаҳарликлар» 2011-12, 2017-18 йилги мавсумда 34 очко йиғишга эришган. Айнан шундай натижа 2019-20 йилги мавсумда «Ливерпуль» томонидан ҳам қайд этилган. Бундан ташқари дастлабки 12 турда «Манчестер Сити» (2018-19) ва «Челси» (2014-15) 32 очко тўплаганди. Қизиқарлиси шундаки, юқоридаги жамоалар ўша мавсумлар сўнгида чемпион бўлган.

Шунингдек, АПЛ жамоалари турли даврларда 12 турдан кейин 31 очкога эришган. «Челси» (2005-2006) ва «Манчестер Юнайтед» (1993-94, 2006-2007) ҳозирги «Арсенал» каби очкога эга бўлган ва май ойида чемпионликни тантана қилган. Аммо яна битта жамоа борки, у 12 турдан 31 очко олсада, титулга эга чиқа олмаган. Ўша клуб «Ньюкасл»дир. «Қарғалар» 1995-96 йилда иккинчи ўрин билан кифояланишга мажбур бўлганди.

«Ньюкасл» ўша омадсиз мавсумда августдан то мартнинг ўрталарига қадар етакчилик қилган. Улар январь ойида иккинчи ўриндаги «МЮ»дан 12 очко олдинда бораётганди. Бироқ, вазият тақозоси билан мавсум сўнгида 4 очколик фарқ билан «қизил иблислар»дан ортда қолади.
Бу воқеа, шубҳасиз, Микель Артета ва унинг шогирдлари назаридан четда қолмайди. «Арсенал» ушбу тарихни қайтармаслик учун мавсум давомида қаттиқ ҳаракат қилади. Унинг ортида эса ҳозир «Манчестер Сити» каби шавфқатсиз «маҳлуқ» бор. «Канонирлар» ҳафта сўнгида «Челси» майдонига сафар қилади. Мана шу ўйин Артета жамоаси иродасини яна бир бор синовдан ўтказади.

ИСМАТОВ Ж.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

«Арсенал» АПЛнинг янги чемпионига айланади! Нега дейсизми?

ЭНГ КЎП ЎҚИЛГАН ЯНГИЛИКЛАР