Мадриднинг “Реал” клуби ярим ҳимоячиси Тони Кроос 2023 йилнинг дастлабки ойларида ўз фаолияти борасида қарор қабул қилади. Бу ҳақда журналист Фабрицио Романо ижтимоий тармоқларида хабар берди.
Манбага кўра, агар ярим ҳимоячи Мадрид клубида яна бир мавсум ўйнашга қарор қилса, "Реал Мадрид" аллақачон шартнома тайёрлаб қўйган. Қайд этилишича, қарор фақат Кроосга боғлиқ. 2023 йилнинг биринчи ойлари ярим ҳимоячининг фаолиятини давом эттириш ёки тугатиш тўғрисида қарор қабул қилиши учун муҳим бўлиши кутилмоқда.
32 ёшли ярим ҳимоячи 2014 йилнинг июль ойида "Реал"га ўтган ва испан клуби сафида 382 ўйин ўтказиб, 25 гол урган ва 86 голга ассистентлик қилган.
