“Ливерпуль” – Жуд Беллингем учун курашда фаворит.

"Боруссия"нинг 19 ёшли ярим ҳимоячиси учун курашда мерсисайдликлар клуби рақибларидан олдинда, деб хабар беради ESPN бир вақтнинг ўзида бир нечта манбаларига таяниб.

Англия терма жамоаси ярим ҳимоячиси учун "Манчестер Сити", "Манчестер Юнайтед", "Челси" ва "Реал" ҳам курашмоқда.

Англиялик футболчи учун курашда "Ливерпуль"нинг рақибларидан бирига яқин манбанинг фикрича, "қизиллар" футболчининг атрофидагилар билан яхши муносабатлар ўрнатишга муваффақ бўлган ва бу жиддий омил бўлиши мумкин.

Олдинроқ “Ливерпуль” Беллингем учун 100 миллион евро тўлашга тайёрлиги, бироқ бу етарли бўлмаслигидан қўрқишаётгани, чунки рақобатчиларнинг молиявий имкониятлари юқорилиги ҳақида хабар берилганди.