“Наполи” ҳужумчиси Хвича Кварацхелия белидаги ўткир оғриқ туфайли Италия чемпионатининг 13-туридан ўрин олган “Аталанта”га қарши ўйин учун жамоа рўйхатига киритилмади.

Бу ҳақда Неапол клуби матбуот хизмати расмий сайти хабар берди. Грузиялик футболчининг тикланиш вақти ҳақида маълумот берилмаган.

21 ёшли Кварацхелия “Наполи” сафида 17 та ўйинда майдонга тушиб, 8 та гол урди ва 10 та голли узатмани амалга оширди. Томонлар ўртасидаги келишув 2027 йилгача тузилган.

Италия А сериясининг 12-туридан сўнг “Наполи” 32 очко билан турнир жадвалида биринчи ўринда бормоқда.