“Napoli” hujumchisi Xvicha Kvarasxeliya belidagi o‘tkir og‘riq tufayli Italiya chempionatining 13-turidan o‘rin olgan “Atalanta”ga qarshi o‘yin uchun jamoa ro‘yxatiga kiritilmadi.

Bu haqda Neapol klubi matbuot xizmati rasmiy sayti xabar berdi. Gruziyalik futbolchining tiklanish vaqti haqida ma’lumot berilmagan.

21 yoshli Kvarasxeliya “Napoli” safida 17 ta o‘yinda maydonga tushib, 8 ta gol urdi va 10 ta golli uzatmani amalga oshirdi. Tomonlar o‘rtasidagi kelishuv 2027 yilgacha tuzilgan.

Italiya A seriyasining 12-turidan so‘ng “Napoli” 32 ochko bilan turnir jadvalida birinchi o‘rinda bormoqda.