Биз буни тушунтирамиз.

Эрлинг Холанднинг "Ман Сити"га ўтганидан кейинги статистикаси шунчаки "космос" - жорий мавсумда 16 та ўйинда норвегиялик 22 та гол урди ва 3 та голли узатмани амалга оширди. Самарадорлик билан бир қаторда Эрлингнинг машҳурлиги ҳам ошиб бормоқда - аммо баъзилар учун унинг оммага танилиши фақат зарар келтиради.

Биз нима ҳақида гапиряпмиз?

Швециянинг жануби-ғарбий қирғоғида Халланд номли округ (маъмурий-ҳудудий бўлинманинг маҳаллий бўлими) мавжуд бўлиб, унда 300 мингдан ортиқ аҳоли истиқомат қилади.

Мана бу ҳудуддан баъзи гўзал суратлар:

Агар сиз Google-да ушбу шаҳарни номини излаб кўрсангиз, қидирув тизими: "Эҳтимол, сиз Холандни назарда тутгандирсиз?", деб хатолик қайд этади.

Холланд шаҳрида туризмга масъул Жимми Сандбергнинг айтишича, бу минтақа учун катта муаммо.

“Биз Халландмиз, у Холанд. Эрлингнинг машҳурлиги бизнинг онлайн мавжудлигимизни сезиларли даражада камайтиради. Афсуски, биз учун Халланд шаҳарчасини онлайн тарғиб қилиш бўйича барча ҳаракатлар муваффақиятсизликка учради. Агар шундай давом этса, минтақамиз янги Атлантида ва фақат қадимги тарих ва ёзувларда қоладиган жойга айланиб қолиш хавфи бор”, - дейди Жимми киноя билан.

Шу билан бирга, Сандбергнинг қайд этишича, Холанднинг машҳурлиги “Халланд” сўзи (бошқа маънода бўлса ҳам) энди ижтимоий тармоқларда кўпроқ тилга олинишига олиб келди. Жимми Холандни минтақага ташриф буюришга таклиф қилишдан тортинмади ва норвегиялик ҳам ўз навбатида бунга самимий жавоб қайтарди.

Холанд Хааланд пляжларида қуёш ботишини томоша қилмоқда.