"Барселона" ҳимоячиси Жерар Пике Испания чемпионатининг 13-тури доирасида "Альмерия"га (2:0) қарши ўйиндан сўнг ўз ҳис-туйғуларини тия олмади. Бу ўйин унинг фаолиятидаги сўнггиси бўлди.
35 ёшли испаниялик футболчи финал ҳуштаги янграганидан кейин трибуналар билан хайрлашди. Ўша дамда футболчининг кўзларида ёш пайдо бўлди. Шунингдек, Пикенинг жамоадошлари ҳимоячини қучоқлаб далда беришди.
"Баъзида севиш ҳам ўз вақтида кетишдир. Туғилган кунимда бобом мени клубга аъзо қилиб қўйган. Мен шу ерда туғилганман ва шу ерда ўламан. Мен қайтиб келаман, - деди Пике.
