Мадриднинг “Реал” клуби ҳужумчиси Карим Бензема “Лион”га қайтмаслигини айтди.

“Мен “Лион”да ўзим ҳақида яхши хотира қолдирдим, нима қилиш керак бўлса, шуни қилдим. Мен шундай қолишини хоҳлайман ва у ерга қайтишни ўйламайман. "Лион" ҳар доим менинг юрагимда қолади. Агар бир кун буни уддалай олсам, мамнуният билан қайтаман, лекин футболчи сифатида эмас", - деди Бензема Fichajes билан суҳбатда.

Бензема "Лион" тарбияланувчиси саналади. Франциялик футболчи 2009 йилнинг ёзида ўз жамоасини тарк этиб, "Реал"га ўтган эди. Ўшанда трансфер суммаси 35 миллион еврони ташкил қилганди.