"Манчестер Сити"нинг ўтган солиқ йилидаги даромади 704,18 миллион еврога етди, бу инглиз клуби тарихидаги иккинчи энг юқори кўрсаткичдир. Энг яхши натижани 2018/2019-йилги мавсумда 719,08 миллион евро даромад олган “Манчестер Юнайтед” сақлаб турибди, деб хабар беради The Telegraph.
“Манчестер Сити”нинг тижорат даромади 354,84 миллион еврони ташкил этди, бу 12 та янги глобал ва минтақавий ҳамкорлик туфайли ўтган йилнинг шу даврига нисбатан деярли 14 фоизга ўсди, бу Англия футболи тарихидаги энг юқори кўрсаткичдир. "Манчестер Сити"нинг соф даромади 47,82 миллион еврони ташкил қилган.
"Манчестер Сити" АПЛнинг 13 ўйинида 32 очко тўплаган ва турнир жадвалида пешқадам "Арсенал"дан 2 очко ортда қолган ҳолда иккинчи ўринда бормоқда.
